ESB: hernaðar- eða mannúðarsamband?

Grein sem birtist í morgunblaðinu 14. júlí 2010.

Andstæðingar Evrópusambandsins og aðildar Íslands að sambandinu hafa nú í nokkurn tíma sagt óhugnanlegar sögur af því sem þeir vilja meina að sé hernaðarbandalag sem mun neyða Íslendinga til þess að senda afkvæmi sín í hinn óhugnarnega Evrópusambandsher ef Ísland verður aðildarríki Evrópusambandsins. Nú fyrir stuttu fengu draugarnir á bak við sögurnar Samtök ungra bænda með sér í lið og fengu þá til þess að birta auglýsingu í fjölmiðlum landsins sem varaði landsmenn við því að með aðild að Evrópusambandinu fylgir herskylda fyrir okkur Íslendinga gagnvart hinum „væntanlega Evrópusambandsher“. Þar sem þessar sögur andstæðinga Evrópusambandsins eru álíka sannar og sú að Al-Kaída sérhæfi sig í blómaskreytingum ákvað ég að deila með lesendum nokkrum staðreyndum um utanríkis-, öryggis-, og varnarmál Evrópusambandsins.

Það var í Maastricht-sáttmálanum, sáttmálanum sem formlega myndaði Evrópusambandið í núverandi mynd, sem fyrst var kveðið á um sameiginlega utanríkis- og öryggisstefnu Evrópusambandsins. Þrátt fyrir það eru utanríkismál enn að langmestu leyti á forræði aðildarríkjanna sem eru langt frá því að tala einni röddu í utanríkismálum en það kom greinilega í ljós í Íraksdeilunni þar sem aðildarríki Evrópusambandsins skiptust í hóp stuðningsmanna innrásinnar í Írak og andstæðinga hennar.

Það verður þó að segjast eins og er að uppi hafa verið raddir um sameinað herlið Evrópuríkja, allt frá því að Winston Churchill viðraði slíkar hugmyndir til Angelu Merkel, núverandi kanslara Þýskalands. Sú hugmynd hefur þó ekki orðið að veruleika og í raun þykir ansi ólíklegt að svo verði einhvern tímann. Árið 1999 var þó samþykkt að koma á fót sameiginlegri evrópskri viðbragðssveit sem skipuð yrði um 60.000 hermönnum. Hér er alls ekki um sérstaka hersveit Evrópusambandsins að ræða heldur er sveitin skipuð hermönnum úr herjum aðildarríkjanna sem helst eiga að sinna friðargæsluverkefnum. Liðsafli og búnaður er byggður upp á loforðum aðildarríkja um framlög ef til átaka kemur og og hvert ríki tekur ákvörðun um hvort það veiti hernaðarlega aðstoð eða annars konar aðstoð og ekkert ríki er skuldbundið til þess að taka þátt í slíkum aðgerðum.

Fyrsta sjálfstæða verkefnið sem Evrópusambandið tók að sér var árið 2003 þegar tekið var yfir verkefni alþjóðalögreglusveita Sameinuðu þjóðanna í Bosníu og Hersegóvínu. Síðan þá hafa verkefnin verið margvísleg, en sem dæmi má nefna aðgerðir á svæðum Vestur-Balkanskaga, í Palestínu, Írak, Darfúr, Georgíu og Úkraínu. Evrópusambandið reynir með þessum aðgerðum að stuðla að útbreiðslu lýðræðis og verndun mannréttinda í heiminum.

Með útbreiðslu lýðræðis og verndun mannréttinda í huga er mikilvægt að nefna þá staðreynd að Evrópusambandið og ríki þess eru langstærstu veitendur þróunaraðstoðar í heiminum. Sameinuðu þjóðirnar hafa sett fram það markmið að vel stæð ríki heims leggi fram 0,7% af landsframleiðslu til þróunarmála en öll þau ríki sem hafa uppfyllt markmið Sameinuðu þjóðanna eru í Evrópu. Þróunarverkefni Evrópusambandsins ná í dag til allra heimshorna og hinna ýmsu sviða og er þeim meðal annars ætlað að aðstoða þróunarríki við að taka þátt í alþjóðaviðskiptum upp á eigin spýtur. Samkvæmt samkomulagi um fríverslun með vörur aðrar en vopn fellir Evrópusambandið til að mynda einhliða niður tolla af helstu framleiðsluvörum frá fátækustu ríkjum heims samkvæmt skilgreiningu Sameinuðu þjóðanna en strangar reglur um sjúkdómavarnir og öryggi standa enn í vegi fyrir viðskiptum að einhverju leyti. Þetta er þó allt gert til þess að aðstoða fátækustu ríki heimsins sérstaklega.

Vegna þessara atriða get ég ómögulega skilið hvers vegna andstæðingar Evrópusambandsins og aðildar Íslands að því eyða öllu sínu púðri í hræðsluáróður sem á sér engar stoðir í veruleikanum, hræðsluáróður um hernaðarbandalag sem við nánari athugun virðist stjórnast af mannúðarsjónarmiðum eins og þróunaraðstoð og lýðræðisumbótum í heiminum, í stað þess að fjalla um þau málefni Evrópusambandsins sem í raun skipta okkur máli og eru sönn. Ég get ekki annað en vonað að einhvern tímann fljótlega verði hægt að ræða staðreyndir málsins á mannamáli og að andstæðingar Evrópusambandsins hætti að segja lygasögur og slappi af í ímyndunarveikinni, en ef ekki get ég að minnsta kosti talist heppin að fá ekki boð á viðburði hjá þeim þar sem mikið er um blómaskreytingar.

Höfundur er stjórnmálafræðingur og formaður Ungra evrópusinna.

Ísland á nú rétt á ESB-styrk

Takk Netanyahu!

Takk Netanyahu,

fyrir að sýna öllum heiminum hvers konar vinnubrögð Ísraelar stunda.

Er virkilega hægt að halda því fram að sérsveitarmenn ísraelska sjóhersins (ekki margir sem fá betri þjálfun en ísraelskir hermenn) hafi verið í lífshættu þegar ÞEIR réðust um borð í skip sem fullt var af sjálfboðaliðum sem reyndu að flytja mat og hjálapargögn til Gaza?

Takk Netanyahu,

fyrir að sýna öllum heiminum að það er ekki til neitt sem heitir siðferði, alþjóðalög, mannréttindi, friður, réttlæti, frelsi og virðing í orðabók Ísraela.

Slítum öllu stjórnmálasamstarfi við Ísrael, STRAX! 62 ár af óréttlæti, stríði, manndrápum og óafsakanlegum aðgerðum Ísraelsmanna.
ísraelar hafa of lengi fengið að hlægja framan í alþjóðasamfélagið!

Netanyahu: Höfðu lífið að verja

Jerúsalem Aameríka Ísraelsson

Fyrir um tveimur vikum síðan tilkynntu yfirvöld í Ísrael að þau stefndu á að byggja 1600 nýjar íbúðir fyrir Ísraela á landnemabyggðum sínum í austurhluta Jerúsalem. Þessi áform Ísraela hafa vakið mikla reiði um allan heim, ekki bara hjá Palestínumönnum heldur einnig hjá Sameinuðu Þjóðunum, Evrópusambandinu, Rússum og meira að segja hjá bestu (og sumir segja einu) vinum Ísraela, Bandaríkjunum, en Ísraelar tilkynntu um áform sín á sama tíma og Joe Biden, varaforseti Bandaríkjanna, var í „heimsókn“ og þótti það afskaplega móðgandi.

Samskipti Ísraela og Bandaríkjanna hafa farið versnandi á síðustu dögum og hætti George Mitchell, sérlegur sendiherra Bandaríkjanna í Mið-Austurlöndunum, til að mynda við „heimsókn“ sína til Ísraels um daginn. Þá hafa Bandaríkjamenn (ásamt öðrum) krafist þess að Ísraelar hætti við áform sín um að byggja íbúðir fyrir gyðinga í arabíska hluta borgarinnar. Fjölmiðlar hafa farið mikinn um deilur Ísraela og Bandaríkjanna síðustu daga, en hafa hins vegar gleymt aðal atriðinu: Palestínumönnum!

Þegar flutningur gyðinga til Palestínu hófst fyrir alvöru eftir fyrri heimstyrjöldina þegar landið féll í hendur Breta höfðu Palestínumenn búið þar í um 1300 ár. Flutningar gyðinga héldu áfram næstu áratugi og árið 1948 var Ísraelsríki stofnað innan landamæra Palestínu. Bretar höfðu misst kjarkinn og falið Sameinuðu Þjóðunum að sjá um vandamálið en það gátu þeir hins vegar ekki.

Meira en 60 árum síðar eru enn átök á svæðinu. Ísraelar hafa meðal annars stundað landrán, aðskilnaðarstefnu og kúgun á Palestínumönnum og dauði barna, kvenna og annarra óbreyttra borgara er nánast daglegt brauð á þessu hertekna svæði. Nauðsynjavörur eins og matur, vatn, rafmagn og jafnvel þak yfir höfuðið er ekki á boðstólnum fyrir alla og tala flóttamanna sem hafa þurft að yfirgefa heimili sín hækkaði úr rúmlega 711.000 árið 1950 í yfir fjórar milljónir árið 2002 og fer enn hækkandi. Palestínumenn eiga sér ekki heimili, meðan Ísraelar vilja byggja sér fleiri.

Benjamin Netanyahu, forsætisráðherra Ísraels, segist ekki vera á leiðinni að hætta við að byggja enda eigi Ísraelar fullan rétt á því að byggja hús í Jerúsalem. Hann segir gyðinga hafa byggt hús í Austur-Jerúsalem í fjörtíu ár og að það hafi á engan hátt skaðað Palestínumenn og að þetta sé alls ekki á þeirra kostnað. Með ummælum sínum gerir Netanyahu lítið úr ástandinu sem og þjáningum Palestínumanna.

Palestínumenn vilja ekki sjá fleiri gyðinga í þessum arabíska borgarhluta Jerúsalem enda óska þeir eftir því að fá þennan hluta Jerúsalem sem höfuðborg í sínu sjálfstæða ríki. Það stangast hins vegar á við hugmyndir Netanyahu og fleiri Ísraela sem telja Jerúsalem alla vera höfuðborg sína. Þá hefur forsætisráðherran svo vingjarnlega bent á að hann óttist mjög að friðarviðræður í Mið-Austurlöndum geti tafist ef Palestínumenn láti ekki af kröfum sínum um frystingu á fyrirhuguðum landnemabyggðum Ísraela á Vesturbakkanum, en Palestínumenn bökkuðu út úr friðarviðræðunum við Ísraela eftir að þeir tilkynntu um áform sín.

Með gjörðum sínum og ummælum hefur Benjamin Netanyahu gert okkur ljóst enn á ný að það sé enginn vilji fyrir frið á svæðinu.Strax eftir að yfirvöld tilkynntu um áform sín hófust átök milli Palestínumanna og Ísraela enn og aftur og er sextán ára palestínskur strákur á meðal fórnarlamba ísraleska hersins, en hann var skotinn til bana, og spennan eykst með hverjum deginum á herteknu svæðum Palestínumanna en ráðamenn Ísraela og Bandaríkjanna eyða á meðan öllu sínu púðri í að fljúga á milli Ísraels og Bandaríkjanna til þess að styrkja á ný ástina á milli vinaþjóðanna tveggja. Svo mikil er virðingin fyrir lífi Palestínumanna!

Grein birtist á www.politik.is 24. mars 2010. 

Nýbyggingar í Austur-Jerúsalem

Fögnuður Ungra evrópusinna í kvöld!

Þann 24. febrúar síðastliðinn mælti framkvæmdastjórn Evrópusambandsins með því við leiðtoga sambandsins að hafnar verði aðildaviðræður við Íslendinga um aðild að sambandinu.

Ungir evrópusinnar fagna þessum þáttaskilum í umsóknarferli Íslands og bjóða í því tilefni til fagnaðar.

 

Fögnuðurinn, sem verður í formi bjórkvölds, verður fimmtudaginn 4. mars næstkomandi á skemmtistaðnum Karamba á Laugavegi og hefst um klukkan 20.30.

Við mælum með því að þeir bjórþyrstu mæti tímanlega til þess að næla sér í fríkeypis öl, en eftir að það klárast verður bjór á hinu gamla góða Evrópuverði.

Hlökkum til að sjá þig! :)

http://www.facebook.com/event.php?eid=330244723749&ref=mf

Vonbrigði Brynju (Heimssýnar)!

Þann 14. desember sl. birtist grein íMorgunblaðinu eftir Brynju Björgu Halldórsdóttur, stjórnarmann í Heimssýn,undir fyrirsögninni „Unga fólkið og ESB-aðild". Þar lýsir Brynja yfir vonbrigðum með greinina „ESB fyrir unga fólkið"sem ég skrifaði með Semu Erlu Serdar, formanni Ungra evrópusinna.  Okkur þykir afar leitt að hafa valdið Brynjuvonbrigðum með skrifum okkar.  Ég vonasttil að geta bætt henni það upp hér og um leið leiðrétt misskilning sem mérfannst gæta í skrifum hennar.

Líklega hefur Brynjaverið eitthvað annars hugar þegar hún las grein okkar því hún virtist skilja hanasem svo að við teldum helstu rökin fyrir því að ungir Íslendingar myndu hagnastaf inngöngu í ESB vera lægri skólagjöld í evrópskum háskólum.  Eflaust telja margir þetta vera kost en hefðiBrynja lesið greinina betur hefði hún séð að megintilgangur hennar var að kynnanýstofnuð samtök Ungra evrópusinna.  Þarvar einnig tekið fram að Ungir evrópusinnar myndu á næstu misserum standa fyrirfræðslustarfi til að gera ungu fólki auðveldara að kynna sér kosti og gallahugsanlegrar aðildar að Evrópusambandinu enda ógerningur að gera það í stuttriblaðagrein.  Af skrifum Brynju að dæma erekki vanþörf á slíku fræðslustarfi.

Ef Brynja tæki þátt ífræðslustarfi Ungra evrópusinna gætum við t.d. leiðrétt misskilning sem húnvirðist vera haldin varðandi sjávarútveginn. Brynja heldur því fram að tíu eða tuttugu árum eftir hugsanlega inngönguværi fiskurinn í sjónum ekki lengur okkar Íslendinga heldur „í eigu sjómanna íBretlandi, Portúgal, Spáni og víðar". Hér virðist hún hafa gleypt við margendurteknum hræðsluáróðriandstæðinga aðildar.  Sannleikurinn erhins vegar sá að vegna reglunnar um hlutfallslegan stöðugleika ættu önnur ríkiengan rétt á fiskveiðikvóta innan íslenskrar lögsögu.  Einnig mætti benda á að við niðurfellingutolla til okkar helstu viðskiptalanda myndu tækifæri til að fullvinna íslenskanfisk hér á landi aukast.  Þannig gætiskapast atvinna í fiskvinnslu á landsbyggðinni og verðmæti útfluttra sjávarafurðaaukist.

Brynja heldur því fram aðef svo færi að Ísland gerðist aðildarríki ESB yrðu „engir bændur á Íslandilengur".  Í fræðslustarfi Ungraevrópusinna gæti Brynja kynnt sér landbúnaðarskýrslu sem utanríkisráðuneytiðbirti í sumar.  Þar kemur fram að, efeitthvað er, myndu sauðfjárbændur hafa það betra ef við göngum í ESB en þeirgera nú.  Vissulega yrði róðurkjúklingabænda og e.t.v. svínabænda erfiður en á móti kemur að hagur neytendamyndi stórbatna með lægra matvælaverði. Samkvæmt skýrslu sem unnin var fyrir Neytendasamtökin myndi matvælaverðlækka um allt að 25% við inngöngu. Líklega myndu margir þakka fyrir þann pening sem sparaðist þar.  Brynja virðist einkum áhugasöm um kjúklingabringuren þær myndu lækka enn meira, um allt að 70%.

Fleiri ranghugmyndir komafram í grein Brynju sem auðvelt væri að eyða með upplýsandi umræðu.  Sem dæmi má nefna að hún óttast að við munumþurfa að fórna umráðum yfir auðlindum okkar við inngöngu í ESB en yfirráð yfirauðlindum eru ávallt í höndum aðildarríkjanna sjálfra.  Hún óttast einnig að smáþjóð eins og Íslandgæti ekki náð góðum aðildarsamningi en þá mætti benda henni á að kynna sérsamninga Möltu og Eistlands sem þykja hagstæðir og mikil ánægja er með meðalíbúa þeirra landa.  Reyndar mætti bendahenni á að mun fleiri íbúar ESB-ríkja telja að aðild heimalands síns að ESBhafi verið til góða  - 55% á móti32%.  Hjá fólki á milli 15 og 24 ára ermunurinn meiri - 65% á móti 22%. 

Það kemur á óvart hversumikil fáfræðin um ESB er hjá stjórnarmanni í Heimssýn, helstu samtökumandstæðinga ESB á Íslandi.  Fáfræði ereina skýringin sem mér dettur í hug því ekki myndu þau samtök dreifaranghugmyndum um Evrópusambandið viljandi. Ég bendi því Brynju á að fræðslustarf Ungra evrópusinna er öllum opið oghún er sérstaklega velkomin á alla okkar viðburði, hvort sem hún upplifi sigsem nítján ára eða níræða.

Serbar sækja um ESB-aðild

Evrópusambandið fyrir unga fólkið!

Á Íslandi erum við það lánsöm að búa í heimsálfu þar sem lengir hefur ríkt friður. Þá eigum við ekki íerfiðleikum með að ferðast milli landa og það er auðveldara en nokkru sinnifyrr að stunda nám eða starfa nánast hvar sem er í álfunni. Okkar kynslóð á þaðtil að taka þessu sem gefnum hlut en fyrri kynslóðir sem muna tíma harðstjórnarkommúnista austar í álfunni og jafnvel tíma heimsstyrjalda gera það ekki.Þessum breyttu aðstæðum Evrópubúa má meðal annars þakka stofnun Evrópusambandsinsen það var stofnað í þeim tilgangi að stuðla að friði, frelsi og jafnrétti íálfunni með því að sameina ákveðna hagsmuni og auka samstarf á meðal þjóðaEvrópu.

Ísland hefur í langan tímatekið þátt í samstarfi Evrópuþjóða. Hins vegar höfum við hingað til ekki óskaðeftir því að taka skrefið til fulls þrátt fyrir að oft hafi komið upp umræða umslíkt. Nú höfum við hins vegar sótt um aðild að Evrópusambandinu og þar afleiðandi óskað eftir því að standa öðrum þátttakendum samstarfsins jafnfætis.

Af þeirri ástæðu var hreyfingUngra evrópusinna stofnuð í september síðastliðnum. Um er að ræða þverpólitískahreyfingu ungliða sem telja að hagsmunum Íslands geti verið best borgið meðaðild að Evrópusambandinu, enda sé nauðsynlegt fyrir þjóðina að taka fullanþátt í samstarfi Evrópuþjóða á efnahagslegum, menningarlegum, félagslegum ogstjórnmálalegum grundvelli.

Ungir evrópusinnar teljaað Evrópusambandsaðild hafi margt að bjóða ungu fólki. Evrópusambandið rekurtil dæmis sérstaka stefnu í málefnum ungs fólks, svokallaða Ungmennaáætlun. Húnstuðlar meðal annars að auknu samstarfi og skilningi milli þjóða með því aðauðvelda ungu fólki að öðlast reynslu í öðrum Evrópuríkjum, hvort sem það ermeð því að stunda nám, starfa eða vinna sjálfboðastörf innan Evrópusambandsins.Ekki þarf að fjölyrða um mikilvægi þess að unga fólkið okkar hafi kost á því aðafla sér reynslu erlendis.

Þrátt fyrir að Ísland sénú þegar þátttakandi í ungmennaáætlun sambandsins njóta Íslendingar ekki allrasömu réttinda og íbúar Evrópusambandsins. Sem dæmi má nefna að þar sem við erumekki aðildarríki ESB þurfum við að borga mun hærri skólagjöld meðal annars íBretlandi, en þar getur munurinn verið allt að 10.000 pund fyrir árið. Aðild aðEvrópusambandinu myndi því gera ungum Íslendingum auðveldara með að mennta sigannars staðar í Evrópu. Aðild myndi þar að auki leiða til fjölbreyttara ogöflugara atvinnulífs hér á landi og fengi ungt fólk því fleiri tækifæri tilþess að nýta menntun sína og reynslu hér heima.

Þetta er aðeins eitt dæmi affjölmörgum um kosti aðildar að Evrópusambandinu, en mikilvægt þó. Ungirevrópusinnar munu á næstunni dreifa upplýsingum um Evrópusambandið og komahugsjónum og hugmyndafræði sambandsins á framfæri við unga fólkið. Þá vilja Ungirevrópusinnar hvetja til og stuðla að opinni og upplýsandi umræðu um samstarfEvrópuríkja, en það er mikilvægt að umræðan sé málefnaleg og heiðarleg til þessað auðvelda ungu fólki, og öðrum, að taka upplýsta ákvörðun þegar kemur að þvíað kjósa um aðild Íslands að Evrópusambandinu.

Höfundar eru Sema Erla og Ingvar Sigurjónsson, formaður og varaformaður Ungra evrópusinna.

Greinin birtist í Fréttablaðinu 12. nóvember sl.

 

www.ungirevropusinnar.is og  http://www.facebook.com/group.php?gid=114447873367&ref=ts

Ásmundur Einar nýr formaður Heimssýnar

ESB PubQuiz með Baldir og Felix :)

Stjórn Ungra Evrópusinna boðar nú til fyrsta hittings vetrarins. Fimmtudaginn 5. nóvember ætlum við öll að hittast á Kaffi Kúltúra (Hverfisgötu) þar sem við munum keppa í ESB PubQuizi undir dyggri stjórn Baldurs Þórhallssonar og Felix Bergssonar.

Planið er að hafa 2-3 manna lið; eitt lið á hverju borði, 20 spurningar og það lið sem svarar flestum spurningum rétt vinnur.

Það eru allir velkomnir, hvort sem þeir eru félagar í Ungum evrópusinnum eða ekki og hægt verður að skrá sig í félagið á staðnum.

Hlökkum til að sjá þig!

Ungir evrópusinnar er þverpólitísk ungliðahreyfing sem telur að hagsmunum Íslands geti verið best borgið með aðild að Evrópusambandinu, og að nauðsynlegt sé fyrir Ísland að taka virkan þátt í samstarfi evrópuþjóða á efnahagslegum, menningarlegum, félagslegum og stjórnmálalegum grundvelli.

Samninganefnd vegna ESB skipuð

Stofnfundur Ungra Evrópusinna í kvöld!

Stofnfundur Ungra Evrópusinna verður haldinn fimmtudaginn 17. september 2009, á efri hæðinni á Kaffi Sólon, klukkan 20.00

Á stofnfundinum mun meðal annars eiga sér stað nánari kynning á hreyfingunni og stjórn hennar vera kjörin.

Sérstakir gestir fundarins verða stjórnarmeðlimir frá Europeisk Ungdom, ungliðahreyfingu Evrópusamtakanna í Noregi ásamt Aðalsteini Leifssyni. Munu gestirnir flytja erindi á fundinum.

Fundarstjóri verður Hlini Melsteð Jóngeirsson.          

Ungir Evrópusinnar er þverpólitísk ungliðahreyfing sem telur að hagsmunum Íslands geti verið best borgið með aðild að Evrópusambandinu, og að nauðsynlegt sé fyrir Ísland að taka virkan þátt í samstarfi Evrópuþjóða á efnahagslegum, menningarlegum, félagslegum og stjórnmálalegum grundvelli. Ungir Evrópusinnar vilja stuðla að opinni og upplýsandi umræðu um samstarf Evrópuríkja og dreifa upplýsingum og þekkingu um Evrópusambandið.

Nánari upplýsingar veitir Sema Erla Serdar í síma 8228904.

Rætt um efnahagslegan stuðning frá ESB

Stofnfundur Ungra Evrópusinna!

Stofnfundur Ungra Evrópusinna verður haldinn fimmtudaginn 17. september 2009, á efri hæðinni á Kaffi Sólon, klukkan 20.00

Á stofnfundinum mun meðal annars eiga sér stað nánari kynning á hreyfingunni og stjórn hennar vera kjörin.

Sérstakir gestir fundarins verða stjórnarmeðlimir frá Europeisk Ungdom, ungliðahreyfingu Evrópusamtakanna í Noregi ásamt Aðalsteini Leifssyni. Munu gestirnir flytja erindi á fundinum.

Fundarstjóri verður Hlini Melsteð Jóngeirsson.          

Ungir Evrópusinnar er þverpólitísk ungliðahreyfing sem telur að hagsmunum Íslands geti verið best borgið með aðild að Evrópusambandinu, og að nauðsynlegt sé fyrir Ísland að taka virkan þátt í samstarfi Evrópuþjóða á efnahagslegum, menningarlegum, félagslegum og stjórnmálalegum grundvelli. Ungir Evrópusinnar vilja stuðla að opinni og upplýsandi umræðu um samstarf Evrópuríkja og dreifa upplýsingum og þekkingu um Evrópusambandið.

Nánari upplýsingar veitir Sema Erla Serdar í síma 8228904.

Barroso endurkjörinn

Til hamingju Ísland.

Til hamingju með þennan sögulega dag kæru landsmenn.

Nú er það orðið ljóst að við munum ganga til aðildarviðræðna við Evrópusambandið, en margir hafa beðið lengi eftir þessum degi.

Nú mun þjóðin fá að ákveða hvort gengið verði til liðs við hin 27 fullvalda ríkin sem Evrópusambandið stendur saman af, eftir að samið hefur verið um okkar helstu hagsmuni.

Með því að fara í aðildarviðræður og leggja síðan samninginn í hendur þjóðarinnar er verið að framfylgja lýðræðinu sem við búum við hér á landi.

Nú er mjög mikilvægt að menn kynni sér Evrópusambandið og síðan samninginn þegar hann liggur fyrir, enda skiptir miklu máli að taka upplýsta ákvörðun um málið.

Til hamingju með daginn.

Ísland í ESB.

 

 

Samþykkt að senda inn umsókn

Vakin með símtali frá norskum blaðamanni - já og Þráinn Bertelsson.

Þráinn Bertelsson eini þingmaður Borgarahreyfingarinn sem mun standa við orð sín?

Þráinn Bertelsson sá eini sem ekki stundar hrossakaup eða annað óskapnað sem þingmenn Borgarahreyfingarinnar eru strax búnir að læra inn á?

Þvílík vonbrigði með hreyfinguna sem ætlaði sér að koma á breytingum. Sem vildu hreinsa út spillingu og koma á virkara lýðræði. 

Hvar er það lýðræði þegar þrír af fjórum þingmönnum ætla að kjósa gegn lýðræðislegum rétti okkar Íslendinga til að kjósa um aðildarsamning ESB?

Þó er enn von um að við munum sjá aðildarviðræður samþykktar á þingi í dag.

.... 

Fékk símtal frá blaðamanni norska blaðsins Nationen (www.nationen.no) í morgun, en blaðamaðurinn var að reyna að skilja nýjustu snúninga ESB umræðunnar og setja sig inn í ástandið, enda eru Norðmenn jú ansi uppteknir að stöðu ESB mála hér á Íslandi.. skiljanlega 

Hér má glugga í samtal okkar: 

http://www.nationen.no/nyhet/article4464682.ece

 

 

Þráinn greiðir því atkvæði að senda inn umsókn

Vita þingmenn Framsóknarflokksins hvað Evrópusambandið er?

Eftir að hafa hitt einn af þingmönnum Framsóknarflokksins núna fyrir stuttu er mér heldur betur brugðið. Þess má til gamans geta að þessi sami þingmaður hefur einnig afrekað það að vera formaður flokksins, en það var þó í heldur stuttan tíma.

Þingmaður þessi tók á móti hópi námsmanna (erlendum sem og íslenskum) niðri á Alþingi, sem kominn var saman til þess að spyrja hann spjörunum úr um málefni líðandi stundar, Icesave, Evrópusambandið og fleira. Eftir að hafa játað því að ætla að greiða atkvæði bæði gagnvart Icesave-samkomulaginu sem og Evrópusambandsaðild var ekki aftur snúið. Nú þurfti maðurinn að standa fyrir svörum.

Hvers vegna ekki Evrópusambandið?
"Nú vegna þess að þá missum við fiskinn okkar, landbúnaðinn og meira að segja fullveldið."

Ekki nóg með hversu illa grundað svar þingmannsins var þá bætti hann því við að við Íslendingar ættum meira að segja að fara að íhuga hvort EES samningurinn (sem hann var nú ekki viss hvernig væri sagt á ensku) væri eitthvað sem hreinlega hentaði okkur lengur.

Það voru nú ekki allir sáttir með þetta svar þingmannsins og héldu áfram að spyrja. Hvað vildi hann þá eiginlega gera? Ekki borga Icesave, ekki ganga í Evrópusambandið og ekki vera lengur hluti af evrópska efnahagssvæðinu? Vildi hann semsagt loka Ísland að öllu leyti frá alþjóðasamfélaginu, einangra landið og láta þjóðina lifa á fiski og vatni það sem eftir lifir?

Nei nei, hann sagði að við ættum bara að skoða þetta, en hvers vegna var hann ekki alveg viss um.

Umræðurnar snéru nú aftur að Evrópusambandinu og snérust um marga þætti þess eins og til dæmis undanþágur sem lönd höfðu fengið í aðildarviðræðum frá hinum ótrúlegustu hlutum. Með námsmenn frá allri Evrópu var svo sannarlega hægt að koma með dæmi. Fátt var um mótrök frá þingmanninum sem hreinlega kannaðist ekki við neitt af því sem þarna kom fram. Hvort sem um undanþágur, öryggismál eða aðrar hliðar Evrópusambandsins umræðurnar snérust um virtist sem svo að námsmennirnir væru þarna til að upplýsa hann frekar en öfugt, enda sagði hann sjálfur að við værum svo sannarlega að segja honum ýmislegt sem hann hafði ekki heyrt áður.

Ha?
Er þannig komið fyrir okkur að við erum með þingmenn sem hafa ekki grundvallarþekkingu á þeim málefnum sem skipta okkur allra mestu máli þessa stundina?
Þingmaðurinn nefndi það meira að segja sjálfur að við værum að móta söguna.
Móta söguna með þingmönnum sem hika ekki við að taka jafn sterka afstöðu gagnvart einhverju, eins og hann gerir gagnvart Evrópusambandinu án þess að hafa hundsvit á því?
Er það ekki lágmarkskrafa á þingmenn að þeir kynni sér málin? Að þeir vinni vinnuna sína? Frekar en að þeir fylgi í sífellu flokkslínum, sama hvað sú flokkslína felur í sér?

Það verður þó að taka það fram að þingmaðurinn viðurkenndi fyrir okkur í lokin að hann hafði ekki verið undir þetta búinn, hann hélt nefnilega að við værum komin þarna til að spyrja hann út í vinnuna hans!


Note to self: Hafi þingmenn landsins ekki grundvallarþekkingu á Evrópusambandinu, hvernig er hægt að búast við því af almenningi?

Fundi utanríkismálanefndar um ESB-mál frestað